عبدالله جفال
يا جبين ايللوح من سيد علي
يا علم يسطع مثل شمس وجلي
اعله العباد اتنور يابن الطاهرين
ويش كثر أفعال تترى و مايلي !
كم اويت وكم عطيت وكم كسيت
من فقير وخير لله يعتلي
رحمه من الله وعسى عمرك طويل
تبقى شمعه تضوي يابعدي وهلي
بوصفك دون الحقيقه بالخيال
والقريحة أمواج او تتسهل إلي
والشعر منساب في مدحك يقول
يا هلا ومية هلا ابسيد علي
ويغبط الشعر القريحه وتغبطه
وكلي منهم بالتنافس مبتلي
وانا بكتب له شعر يبقى الفصال
بينهم ودري القلب يملي ملي
فاضل وسمح وترابي الخصال
وجهك ايشع نور من نور الولي
من هجر أصلك وسعفات النخيل
منبع العلم او رشَيد الأمثلي
من هلي الأحسا ومن طيبه تدور
فطره فيهم عمت ابكل منزلي
ماكتبت الشعر بس قلبي قراك
سيدي بأجمل صور توحى إلي
وهذي من قلبي مشاعر بالقصيد
من غرامي وحبي لك سيد علي !
